پشاور ہائیکورٹ نے پی ٹی آئی رہنما اعظم سواتی کو دس دن تک درج مقدمات میں گرفتار نہ کرنے کا حکم دے دیا۔
عدالت عالیہ کے جسٹس صاحبزادہ اسد اللہ اور جسٹس انعام اللہ نے اعظم سواتی کی درخواست پر سماعت کی ، درخواست گزار کے وکیل نے کہا کہ درج مقدمات میں ضمانت کروانے کے لیے دس دن کی مہلت دی جائے۔
عدالت نے کہا کہ درخواست گزار احتساب عدالت میں پیش ہونا چاہتا ہے ، درخواست گزار سے قانون کے مطابق سلوک کرکے عدالت میں پیش ہونے کی اجازت دی جائے۔
پشاور ہائیکورٹ نے حکم جاری کرتے ہوئے کہا کہ احتساب عدالت درخواست گزار کو کسی بھی کیس میں گرفتار نہ کرے، بعد ازاں عدالت نے کیس کی سماعت ملتوی کر دی
