ممبئی (نیو زڈیسک ) بھارت کے شہرگوا میں پاکستانی کرکٹ ٹیم کو سپورٹ کرنے والے دکاندار کو سرعام گھٹنوں کے بل بیٹھ کر معافی مانگنی پڑ گئی۔
یہ واقعہ اس وقت پیش آیا جب ایک ٹریول وی لاگر کی جانب سے بنائی گئی ویڈیو سوشل میڈیا پر پوسٹ کی گئی، جس کے کیپشن میں درج تھا کہ ’یہ دیکھیں گوا میں بھارتی کس طرح پاکستان کو سپورٹ کرتے ہیں‘۔
ویڈیو میں وی لاگر نے گوا کے چالنگوٹ بازار کے ایک ہوٹل کے مالک سے گفتگو کی تھی۔
وی لاگر نے ہوٹل کے ٹی وی پر میچ ہوتا دیکھ کر مسلمان دکاندار سے سوال کیا کہ وہ نیوزی لینڈ اور پاکستان کے درمیان ہونے والے میچ میں کس کو سپورٹ کر رہے ہیں؟
جس کے جواب میں ہوٹل کے مالک نے کہا تھا کہ پاکستان کو ،کیوں کہ یہ مسلمانوں کا علاقہ ہے۔
This Is How Indians Support Pakistan In Goa, India 🇮🇳#Travel #India pic.twitter.com/jlrVJQJ51z
— Davud Akhundzada (@Davud_Akh) February 22, 2023
اس ویڈیو کے وائرل ہونے کے بعد بھارتیوں نے دکاندار کے ہوٹل پر دھاوا بول دیا، اس کے بعد دکاندار کو سرعام معافی مانگنے پر مجبور کیا گیا جس کی ویڈیو بھی سوشل میڈیا پر وائرل ہوئی۔
وائرل ویڈیو میں دکاندار کو گھٹنوں کے بل بیٹھ کر معافی مانگتے دیکھا جاسکتا ہے ۔ بھارتی انتہاپسندوں نے دکاندار کو ’بھارت ماتا کی جے‘ کے نعرے بھی لگانے پر مجبور کیا۔ بھارتی میڈیا کے مطابق بھارتی پولیس نے دعویٰ کیا کہ انہیں اس حوالے سے تاحال کوئی شکایت موصول نہیں ہوئی ہے۔
The man who was supporting Pakistan in Goa pic.twitter.com/jE8IidAf9K
— Madhur Singh (@ThePlacardGuy) February 24, 2023
