ممبئی (نیوز ڈیسک ) مودی سرکار نے بھارت کو انٹرنیٹ شٹ ڈائون کیپیٹل بنا ڈالا،بھارت انٹرنیٹ کا گلا گھوٹنے میں مسلسل پانچویں بار پھر نمبر ون ۔تفصیلات کے مطابق عالمی انٹرنیٹ واچ ڈاگ ایکسیس نائو نے مودی سرکار کے کرتوت بے نقاب کر دئیے۔رپورٹ میں بتایا گیا ہے کہ سال 2022 میں مقبوضہ کشمیر میں جاری بدامنی اور پرتشدد واقعات کے باعث 49 بار انٹرنیٹ شٹ ڈائون کیا گیا۔دنیا بھر میں انٹرنیٹ بندش کے 187 واقعات میں سے 84 بھارت میں ہوئے۔جنوری اور فروری 2022 میں مقبوضہ کشمیر میں 3 روز تک مسلسل کرفیو کے انداز میں انٹرنیٹ بند کرنے کے 16 بار احکامات جاری کئے گئے۔ایکسیس نائو کے مطابق انٹرنیٹ شٹ ڈائون میں یوکرین دوسرے اور ایران تیسرے نمبر پر ہے۔