اسلام آباد (نیوز ڈیسک ) پاکستان کے ایران میں اور ایران کے پاکستان میں دہشت گرد ٹھکانوں کو نشانہ بنانے کے درمیان بھارت اپنےمزموم مقاصد سے باز نہ آیا۔ پاکستان کی جانب سے ایران میں کیے گئے آپریشن کو آپریشن مرگ بر، سرمچار کا نام دیا گیا جس کے بعد سے یہ نام پاکستان ٹرینڈ پینل پر سرفہرست ٹرینڈز میں شامل ہوگیا۔ مائیکرو بلاگنگ سائٹ ’ایکس‘ پر پاکستان کے ٹرینڈ پینل پر ’مرگ بر، سرمچار ‘ کے ساتھ ’مرگ بر ایران‘ بھی ٹرینڈ کرنے لگا۔ بتایا جارہا ہے کہ ’مرگ بر ایران‘ کے ٹرینڈ پر بھارتی صارفین پوسٹس کررہے ہیں اور اشتعال پھیلانے کی غرض سے اسے چلایا بھی وہیں سے جارہا ہے ۔

سوشل میڈیا پر پاکستانیوں کو یہ ہدایات دی جارہی ہیں کہ ایران ہمسایہ اور برادر ملک ہے، پاکستانیوں سے درخواست ہے کہ ایسی سوچ کا نفی میں جواب دیں۔ خیال رہے کہ ایران میں موجود دہشت گرد خود کو ’سرمچار‘ کہلواتے ہیں، اسی مناسبت سے اس انٹیلیجنس آپریشن کا نام ’آپریشن مرگ بر سرمچار‘رکھا گیا ہے جس کا مطلب ہے ’سرمچاروں کی موت‘۔ دوسری جانب دوسری جانب ایران کی سرکاری نیوز ایجنسی ارنا نے ایران میں حملوں کی تصدیق کرتے ہوئے کہا ہے کہ ان حملوں میں 7 افراد ہلاک ہوئے ہیں جو کہ ایرانی شہری نہیں ہیں۔