سرینگر24ستمبر(نیوز ڈیسک ) غیر قانونی طور پر بھارت کے زیر قبضہ جموں و کشمیر میں قابض حکام نے کل جماعتی حریت کانفرنس کے سینئر رہنما اور انجمن شرعی شیعیان کے صدر آغا سید حسن الموسوی الصفوی کا پاسپورٹ معطل کر دیا ہے۔
کشمیر میڈیا سروس کے مطابق ریجنل پاسپورٹ آفس سرینگر نے آغا سید حسن کو مطلع کیا ہے کہ پاسپورٹ ایکٹ 1967کی دفعہ 10(3XC) کے تحت ان کا پاسپورٹ معطل کر دیا گیا ہے۔ایک مقامی خبر رساں ادارے نے آغا سید حسن کے حوالے سے بتایا کہ انہیں یہ نوٹس اجراء کے ایک ماہ بعد موصول ہوا جس میں کہاگیا ہے کہ ان کا پاسپورٹ معطل کر دیا گیا ہے۔آغا حسن نے کہا کہ میں نے بیرون ملک جانے کے لیے نئے پاسپورٹ کے لیے درخواست دی تھی۔ تاہم مجھے نوٹس کے ذریعے معلوم ہوا کہ میرا پاسپورٹ معطل کر دیا گیا ہے۔