سرینگر 26ستمبر (نیوز ڈیسک )غیر قانونی طور پر بھارت کے زیر قبضہ جموں و کشمیر میں بھارتی فوجیوں نے ضلع بڈگام سے 4کشمیری نوجوانوں کو گرفتار کرلیا ہے۔
کشمیرمیڈیاسروس کے مطابق فوجیوں نے نوجوانوں کو ضلع کے علاقے بیروہ میں گزشتہ شب تلاشی اور محاصرے کی کارروائی کے دوران گرفتار کیا۔ فوجیوں نے نوجوانوں کے قبضے سے اسلحہ اور گولہ بارود برآمد ہونے کا دعویٰ بھی کیا ہے تاہم یہ ایک ایسا الزام ہے جس کی کسی آزاد ذرائع سے تصدیق نہیں ہو ئی ہے ۔
