اسلام آباد (نیوز ڈیسک ) آرمی چیف جنرل عاصم منیر نے کہا ہے کہ ریاست کی رٹ قائم کرنے کیلئے ہم کسی بھی حد تک جائیں گے۔ ایپکس کمیٹی کے اجلاس میں گفتگو کرتے ہوئے سپہ سالار کا کہنا تھا کہ پاکستان کے پاس چیلنجز کا مقابلہ کرنے کے سوا کوئی دوسرا راستہ نہیں ہے۔ ذرائع کے مطابق آرمی چیف نے شاعر مشرق علامہ اقبال کا یہ شعر بھی پڑھا۔
نہ سمجھو گے تو مٹ جاؤ گے اے ہندوستان والو
تمہاری داستاں بھی نہ ہوگی داستانوں میں
نگراں وزیراعظم انوارالحق کاکڑ کی زیرصدارت آج اسلام آباد میں ایپکس کمیٹی کا اجلاس ہوا۔ اجلاس میں فیصلہ کیا گیا کہ غیر قانونی طور پر مقیم غیر ملکیوں کو نومبر تک ملک بدر کیا جائے گا۔
