اسلام آباد(نیوز ڈیسک )پاکستان اور آسٹریلیا کے میچ کے دوران اسٹیڈیم میں بھارتی سیکیورٹی اہلکاروں نے ایک مداح کو پاکستان زندہ باد کے نعرے لگانے سے روک دیا۔
کشمیرمیڈیاسروس کے مطابق اس حوالے سے سوشل میڈیا پر وائرل ایک ویڈیو میں دیکھا جاسکتا ہے کہ بھارتی شہر بنگلورو میں جاری پاکستان اور آسٹریلیا کے میچ میں ایک تماشائی کے پاس سیکیورٹی اہلکار کھڑا ہوا ہے۔دونوں کے درمیان بحث جاری ہے جس میں پاکستانی ٹیم کا سپورٹر یہ کہتا نظر آرہا ہے کہ میں پاکستان زندہ باد کیوں نہیں کہوں؟ اس دوران شائق بھارت کے حق میں نعرہ لگاتے ہوئے پاکستان زندہ باد بھی کہتا ہے تو سیکیورٹی اہلکار اسے فورا پاکستان زندہ باد کہنے سے منع کرتا ہے۔ مداح نے جب اس واقعے کی ویڈیو بنانے کی کوشش کی تو اسٹیڈیم کے عملے کا ایک شخص اس سے معذرت کرتے ہوئے روکنے لگتا ہے۔