اسلام آباد (نیوز ڈیسک )میانوالی ائیر بیس حملے سے متعلق سنسنی خیز انکشافات منظر عام پر آ گئے۔اطلاعات کے مطابق میانوالی حملے میں مارے جانے والے دہشتگردوں سے امریکی ساختہ اسلحہ برآمد ہوا ہے، اسلحے میں آر پی جی سیون، اے کے سیونٹی فور،ایم 16 اور اے فور شامل ہیں۔ دفاعی ماہرین کا کہنا ہے کہ افغان سرزمین پر امریکہ کے تیار کردہ ہتھیار کھلے عام فروخت ہو رہے ہیں، دہشتگردوں کی امریکی اسلحے تک رسائی انتہائی آسان ہے۔ دفاعی ماہرین کے مطابق امریکی ساختہ ہتھیار افغانستان میں وافر مقدار میں موجود ہیں، افغانستان سے ملنے والے ہتھیار دہشتگرد پاکستان کے خلاف استعمال کر رہے ہیں، امریکا کے افغانستان سے اِنحلا کے بعد دہشت گرد آزادانہ غیر مُلکی ہتھیاروں کا استعمال کرتے آ رہے ہیں،اس سے پہلے ژوب کنٹونمنٹ حملے میں بھی امریکی ہتھیاروں کا استعمال ہوا تھا۔