سرینگر(نیوز ڈیسک )غیر قانونی طور پر بھارت کے زیر قبضہ جموں و کشمیر میں کشمیری سرکاری ملازمین کو ان کی ملازمتوں سے برطرف کرنے کی مودی حکومت کی جاری مہم کے دوران محکمہ صحت کے درجنوں ملازمین کو برطرف کر دیا گیا ہے۔
کشمیرمیڈیاسروس کے مطابق محکمہ صحت کے ایک اہلکار نے سرینگر میں میڈیا کو بتایاہے کہ محکمہ صحت نے کشمیر اور جموں کے ہیلتھ سروسز کے ڈائریکٹرز اور ڈائریکٹر فیملی ویلفیئر، ایم سی ایچ اور امیونائزیشن کو ہدایت کی ہے کہ وہ تمام ملازمین کو نوکریوں سے برطرف کر دیں۔محکمہ نے پہلے ہی ایچ او ڈی کے ساتھ وابستہ تقریبا تمام ملازمین کو برطرف کر دیا ہے۔ضلع کپواڑہ میں 16ملازمین جبکہ ضلع گاندربل میں 61ملازمین اور بانڈی پورہ میں 16ملازمین کوبرطرف کیا گیا ہے ۔ محکمہ صحت کی طرف سے دیگر اضلاع میں بھی ملازمین کو برطرف کیاگیا ہے ۔