واشنگٹن(نیوز ڈیسک ) مذہبی آزادی سے متعلق امریکی کمیشن نے بائیڈن انتظامیہ سے مطالبہ کیاہے کہ وہ مذہبی اقلیتوں کو نشانہ بنانے کے واقعات پر بھارت کو تشویش ناک ممالک کی فہرست میں شامل کرے۔
کشمیرمیڈیاسروس کے مطابق امریکی کمیشن نے اپنی رپورٹ کہا ہے کہ بھارت بیرونِ ملک سرگرم کارکنوں، صحافیوں اور وکلا ء کو خاموش کرانے کی کوشش کر رہا ہے۔رپورٹ کے مطابق بھارتی حکومت کی حالیہ کوششوں سے مذہبی آزادی کو شدید خطرہ لاحق ہے۔رپورٹ میں کہا گیا ہے کہ بیرونِ ملک مقیم اقلیتوں کو نشانہ بنانے اور دھمکی آمیز ہتھکنڈوں کے استعمال کو نظر انداز نہیں کیاجاسکتا۔ امریکی رپورٹ میں کہا گیا ہے کہ کینیڈا میں ہردیپ نجر کا قتل اور امریکہ میں گروپتونت سنگھ کے قتل کی سازش انتہائی پریشان کن ہے۔