بارہمولہ ( نیوز ڈیسک ) مقبوضہ کشمیر کے ضلع بارہمولہ میں ایک ریٹائرڈ پولیس افسر ایک حملے میں ہلاک ہو گیا۔محمد شفیع نامی ریٹائرڈ پولیس افسر بارہمولہ کے علاقے گنتمولہ ، شیری کی ایک مسجد میں موجود تھا کہ اسے فائرنگ کر کے ہلاک کر دیا گیا۔پولیس ترجمان کے مطابق اسے کشمیری فریڈم فائٹرز نے ہلاک کیا ہے۔ اس واقعہ کے فوری بعد ہندوستانی فوج موقع پہ پہنچ گئی اور ارد گرد کے تمام علاقے کو گھیرے میں لے کر تلاشی مہم شروع کر دی گئی۔ اطلاعات کے مطابق ہلاک کیا جانے والا ریٹائرڈ پولیس افسر شفیع کشمیریوں کے خلاف بدترین ظلم و تشدد کے حوالے سے بدنام تھا۔