سرینگر(نیوز ڈیسک ) غیر قانونی طور پر بھارت کے زیر قبضہ جموں و کشمیر میں عوامی مجلس عمل نے تنظیم کے رکن محمد اشرف وانی کی شریک حیات کے انتقال پر گہرے دکھ اور افسوس کا اظہار کیا ہے۔
عوامی مجلس عمل کے چیئرمین میرواعظ عمر فاروق کی ہدایت پر تنظیم کا ایک وفد محمد اشرف وانی کی رہائش گاہ پر گیا اور میر واعظ کی جانب سے ان کے بیٹوں محمد فاروق وانی اور رئوف احمدوانی کے ساتھ دلی تعزیت اور ہمدردی کا اظہار کیا۔ عوامی مجلس عمل نے مرحومہ بلندی درجات اورسوگوار خاندان کیلئے صبر عظم کی دعا کی ہے ۔
