منیلا (نیوز ڈیسک ) بھارتی پنجاب کے موگا سے تعلق رکھنے والے 43 سالہ کبڈی کوچ گرپریت سنگھ گیندرو کو فلپائن کے دارالحکومت منیلا میں گولی مار کر قتل کر دیا گیا۔ این ڈی ٹی وی کے مطابق گرپریت تقریباً چار سال قبل اپنی روزی کمانے کے لیے فلپائن گیا تھا۔ اسے مبینہ طور پر نامعلوم ملزمان نے اس وقت سر میں گولی مار دی جب وہ کام سے واپس آنے کے بعد اس کے گھر میں گھس گئے۔ منیلا پولیس کی طرف سے مقامی میڈیا کو جاری کردہ ایک بیان کے مطابق حملہ آوروں کی شناخت نہیں ہو سکی ہے اور نہ ہی اس کی وجہ معلوم ہو سکی ہے کہ کبڈی کوچ گرپریت کو حملہ آوروں نے گولی مار کر ہلاک کیوں کیا۔