اسلام آباد (نیوز ڈیسک ) پاکستان مسلم لیگ ن اور پاکستان پیپلز پارٹی میں حکومت سازی کے سلسلہ میں معاملات طے پا گئے۔
ذرائع کے مطابق دونوں سیاسی جماعتوں کے قائدین کی ملاقات اختتام پذیر ہو گئی، ملاقات میں اہم پیشرفت ہوئی ہے،آصف علی زرداری صدر مملکت ہوں گے جبکہ وزیراعظم کا منصب شہبازشریف سنبھالیں گے، سپیکر قومی اسمبلی مسلم لیگ کا ہوگا جبکہ چیئرمین سینیٹ پیپلزپارٹی سے ہوگا۔
مسلم لیگ ن کی ترجمان مریم اورنگزیب نے تصدیق کرتے ہوئے کہا ہے کہ مسلم لیگ ن کے صدر شہباز شریف اور چیئرمین پیپلز پارٹی بلاول بھٹو کے درمیان اسحاق ڈار کی رہائشگاہ پر ملاقات ہوئی، ملاقات میں دونوں جماعتوں کے درمیان حکومت سازی کا معاہدہ طے پا گیا ہے۔
