سلمیٰ اسد/عالمی افق

پاکستان اور آذربائیجان نے سوویت یونین کی تحلیل کے بعد 1991 میں جنوبی کاکیشین ملک کی آزادی کے بعد سے ایک منفرد سیاسی اور تذویراتی رشتہ برقرار رکھا ہے۔آذربائیجان کے ساتھ پاکستان کے تعلقات صحیح معنوں میں وقت کی کسوٹی پر کھڑے رہے ہیں اور ان تعلقات کو وسیع وسطی ایشیا میں سابق سوویت مسلم جمہوریہ کے درمیان ملک کی سب سے زیادہ پائیدار سیاسی مصروفیت سمجھاجاسکتا ہے۔
سوویت یونین کے ٹوٹنے اور اس کی مسلم اکثریتی جمہوریہ کی آزادی کےبعد پاکستان کی فیصلہ ساز اشرافیہ کو ان جمہورتوں کے ساتھ مضبوط سیاسی روابط استوار کرنے کا ایک موقع ملا۔ پاکستان کے شمال مغربی پڑوس کی وجہ سے اس بات کی توقع کی جاتی تھی کہ وسطی اور جنوبی ایشیائی خطوں کے درمیان تاریخی روابط اور مشترکہ مذہبی رشتوں کی وجہ سے پاکستان کے اقدامات کو قبول کیا جائےگا، تاہم افغانستان میں اختتامی کھیل پر اختلافات اور متضاد جغرافیائی سیاسی مفادات کی وجہ سے پاکستان اس موقع سے فائدہ اٹھانے میں ناکام رہا اور وسطی ایشیائی ریاستوں کے ساتھ اس کے تعلقات غیرفعال رہے، تاہم ریاستوں کے اس گروپ میں یہ آذربائیجان تھا جہاں پاکستان ایک سیاسی پیش رفت کرنےمیں کامیاب ہوا۔
آذربائیجان چونکہ قفقاز کا حصہ تھا، اس لیے اس کی جغرافیائی سیاسی حساسیتیں اس کی ساتھی وسطی ایشیائی ریاستوں سے مختلف تھیں جن کے پاکستان کے ساتھ تعلقات افغانستان پر اختلافات کی وجہ سے متاثر ہوئے۔ اس کے برعکس پاکستان کی خارجہ پالیسی کا نقطہ نظر مکمل طور پر آذربائیجان کے ساتھ جڑا ہوا تھا جسے اپنی آزادی کے فوراً بعد جب آرمینیائی افواج نے اس کے خودمختار علاقے نگورنو کاراباخ پر حملہ کیا تو اسے ایک دشمن پڑوسی سے بھی مقابلہ کرنا پڑا۔ ترکی کے ساتھ ساتھ، پاکستان نے نگورنو کاراباخ کے معاملے پر آذربائیجان کے سیاسی موقف کی مکمل تائید کی اور اسے ہر عالمی فورم پر سفارتی اور سیاسی حمایت فراہم کی۔ پاکستان نے آذربائیجان کے ساتھ اظہار یکجہتی اور آرمینیائی اقدامات کی مذمت کے لیے آرمینیا کے ساتھ سفارتی تعلقات قائم نہیں کیے تھے۔ پاکستان کی طرف سے اس جذبہ خیر سگالی کا جواب آذربائیجان نے بھارت کے خلاف، کشمیر کے مسئلہ پرپاکستان کے موقف کی مکمل حمایت کرتے ہوئے کیا۔ دونوں طرف سے اس دو طرفہ سیاسی عزم نے ایک مضبوط بنیاد کا کام کیا ہے جس پر تعلقات آگے بڑھے ہیں۔ اگرچہ دونوں ریاستوں کے درمیان جغرافیائی فاصلے کی وجہ سے تعلقات بالخصوص اقتصادی میدان میں پسماندہ رہےتاہم اس کے بنیادی اصول ہمیشہ قائم رہے۔اسی طرح پاکستان سے آذربائیجان کے ثقافتی اور سیاسی اختلافات کا دوطرفہ تعلقات پر کبھی کوئی اثر نہیں پڑا۔
ستمبر 2020 کی آذربائیجان-آرمینیا جنگ کے بعد دوطرفہ تعلقات صحیح معنوں میں اسٹریٹجک ڈومین میں داخل ہو گئے ہیں جس کے نتیجے میں بالآخر آرمینیائی مقبوضہ آذربائیجان کے علاقے نگورنو کاراباخ اور اس کے جنوبی اور مغربی اضلاع کو آزاد کرایا گیا۔ پاکستان نے آذربائیجان کی سرزمین پر دوبارہ دعویٰ کرنے کے اقدامات کی مکمل سفارتی اور سیاسی حمایت کی۔ اس تنازعہ کے دوران آذربائیجان کے لیے پاکستان کی حمایت کو آذربائیجان کی آبادی میں بڑے پیمانے پر سراہا گیا اور شاید یہ پہلا موقع تھا جب دوطرفہ تعلقات عوامی دائرے میں آئے، جس کے نتیجے میں پاکستان کو نہ صرف آذربائیجان کی قیادت بلکہ اس کے عوام نے بھی ایک اہم اتحادی کے طور پر تسلیم کیا۔ سیکورٹی کے دائرے میں پاکستان اور آذربائیجان کے دوطرفہ تعاون میں اضافہ ہوا ہے۔ دونوں ممالک کے اعلیٰ دفاعی عہدیداروں نے کئی دورے کیے ہیں۔ پاکستان آذربائیجان کی دفاعی مارکیٹ میں قدم جمانے کا خواہاں ہے اور کچھ عرصے سے اپنے مقامی ساختہ JF-17 لڑاکا طیاروں کی آذربائیجان جیسی اتحادی ریاستوں کو مارکیٹنگ کر رہا ہے۔ دونوں ممالک کی فضائیہ کے سربراہوں کے مسلسل دورے اس بات کی نشاندہی کرتے ہیں کہ دونوں فریق ایسے دفاعی معاہدے پر غور کر رہے ہیں جو پاکستان کے دفاعی مینوفیکچرنگ کمپلیکس کو آذربائیجان کی دفاعی پلاننگ میں مزید مربوط کرےگا۔ آذربائیجان کے نقطہ نظر سے یہ ملک کے دفاعی اڈے کو متنوع بنانے اور اسلحے اور ہتھیاروں کے نظام کے لیے روس پر انحصار کم کرنے میں مددگار ثابت ہوگا۔ ان پیش رفتوں نے پاکستان کے سخت حریف بھارت کو آرمینیا کے ساتھ اپنے دفاعی تعاون کو آگے بڑھانے اور اسے بھارتی ساختہ ہتھیاروں کے نظام فروخت کرنے کی ترغیب دی ہے اس طرح قفقاز اور جنوبی ایشیا کے اندر علاقائی سلامتی کی حرکیات کو مزیدباہم کیا۔
آذربائیجان کے صدر الہام علیئوف کا دورہ دو طرفہ تعلقات میں بڑھتی ہوئی رفتار اور اقتصادی، توانائی اور بنیادی ڈھانچے کے شعبوں میں بھی تعاون کو مضبوط بنانے اور دو طرفہ تجارت کو 2 بلین ڈالر تک بڑھانے کے عزم کا اظہار ہے۔ پاکستان کو ایک دہائی سے زائد عرصے سے دائمی معاشی چیلنجز کا سامنا ہے۔ ہائیڈرو کاربن کی برآمدات سے حاصل ہونے والی آمدنی کی بدولت آذربائیجان نسبتاً امیر ہونے کی وجہ سے پاکستان کے لیے ایک مثالی اقتصادی شراکت دار ہے۔ آذربائیجان نے پہلے ہی پاکستان کو موخر ادائیگیوں پر مائع قدرتی گیس (ایل این جی) اور تیل فراہم کرنے پر اتفاق کیا ہے۔
دو طرفہ سطح کے علاوہ، ایک اہم پیشرفت تینوں ممالک کی قیادتوں کے سربراہی اجلاس کے ذریعے پاکستان، آذربائیجان اور ترکی کے درمیان سہ فریقی تعلقات کو ادارہ جاتی بنانا ہے۔ تینوں ممالک کے درمیان قریب قریب کامل اسٹریٹجک صف بندی مختلف شعبوں میں مشترکہ منصوبوں کو مزید ترغیب دے سکتی ہے۔ پاکستانی نقطہ نظر سے، آذربائیجان اور ترکی شاید اب صرف دو اتحادی ریاستیں ہیں جو کشمیر پر پاکستان کے موقف کی غیر مشروط حمایت کرتی ہیں اور وسیع تر خطے میں اس کے جغرافیائی سیاسی نقطہ نظر کی حمایت کرتی ہیں۔ اس طرح، پاکستان اور آذربائیجان تعلقات کو مزید آگے بڑھانا پاکستان کے اندر تمام اسٹیک ہولڈرز کے لیے خارجہ پالیسی کے ایجنڈے کا ایک اہم جزو رہنا چاہیے۔