میانوالی میں 15 ستمبر سے الیکٹرک بس سروس کا آغاز ہوگا ، اس سلسلے میں 15 الیکٹرک بسیں میانوالی پہنچا دی گئی ہیں۔

وزیر ٹرانسپورٹ بلال اکبر کا کہنا ہے کہ میانوالی کوجدید الیکٹرک بسوں کا تحفہ دینے جا رہے ہیں، لاہور کے بعد پنجاب کے تمام اضلاع میں الیکٹرک بسیں چلیں گی،۔

محکمہ ٹرانسپورٹ کے مطابق الیکٹرک بسوں کا یہ منصوبہ عوام کو جدید سہولتوں سے آراستہ کرنے کے ساتھ ساتھ پٹرول اور ڈیزل پر انحصار کم کرنے کی ایک بڑی کوشش ہے۔

ماہرین  کہتے ہیں بجلی سے چلنے والی یہ بسیں ماحول میں آلودگی کم کرنے میں مددگار ہوں گی جبکہ عام شہریوں کو بھی کم کرایوں میں  آرام دہ سفر میسر ہوگا۔

شہریوں نے بھی اس اقدام کا خیر مقدم کیا ہے۔ میانوالی کے رہائشیوں کا کہنا ہے کہ یہ بسیں مقامی لوگوں کے لیے سہولت اور آسانی کا باعث بنیں گی، خاص طور پر طلبہ اور ملازمت پیشہ افراد کے لیے یہ سہولت بہت کارآمد ثابت ہوگی۔