ایشیا کپ میں سیاست کو کھیل میں لانے پر سابق کپتان جنوبی افریقہ اے بی ڈی ویلیئرز نے بھارت پر شدید تنقید کی۔
انہوں نے مطالبہ کرتے ہوئے کہا کہ خطے کی سیاست کو کھیل کے میدان سے الگ رکھا جائے، اے بی ڈی ویلیئرز نے سوشل میڈیا کے ویڈیو پروگرام میں بھارت کو آڑے ہاتھوں لیا۔
ان کا کہنا تھا کہ بھارت کی ٹیم شاید اس سے خوش نہیں تھی جس سے اس نے ٹرافی وصول کرنا تھی، انہوں نے مزید کہا کہ میرا نہیں خیال کہ اس کا کھیل سے کوئی تعلق بنتا ہے۔
جنوبی افریقہ کے سابق کپتان نے کہا کہ سیاست کو کھیل سے الگ ہونا چاہیے، کھیل ایک الگ چیز ہے اس کا جشن ویسے ہی منانا چاہیے، ان کا کہنا تھا کہ ایشیا کپ کی اختتامی تقریب میں سب کچھ دیکھ کر دکھ ہوا، انہوں نے معاملات کو جلد حل کرنے کی امید ظاہر کی۔
ان کا کہنا تھا کہ اس صورتحال سے کھیل اور کھلاڑی مشکل میں پڑے اور یہ سب دیکھنے سے مجھے نفرت ہے،جنوبی افریقہ کے سابق کپتان نے کہا کہ آخر میں یہ سب اچھا نہیں لگا۔
