سہ ملکی ٹی ٹوئنٹی کرکٹ ٹورنامنٹ جیتنے سے پاکستان کرکٹ ٹیم نے نیا ریکارڈ بھی قائم کر دیا۔
فائنل میچ میں پاکستان کے ہاتھوں سری لنکا چھ وکٹوں سے شکست کا سامنا کرنا پڑا، سری لنکا کی ٹیم نے پہلے کھیلتے ہوئے 114 رنز بنائے۔
پاکستان نے مطلوبہ ہدف انیسویں اوور میں چار وکٹوں کے نقصان پر پورا کر لیا۔ پاکستان کی جانب سے صاحبزادہ فرحان 23 رنز، صائم ایوب 36 اور بابراعظم 37 رنز بنا کر نمایاں رہے۔
سری لنکا کے خلاف فتح سے پاکستان کرکٹ ٹیم نے ٹی ٹوئنٹی میں کسی بھی کیلنڈر ائیر میں سب سے زیادہ فتوحات کا ریکارڈ قائم کر دیا۔
پاکستان کی ٹی ٹوئنٹی ٹیم نے 2025 میں 34 میچ کھیلے ہیں اور ان میں سے 21 میں کامیابی حاصل کی اور 13 میں اسے شکست کا سامنا کرنا پڑا۔
