بھارت کے اسٹار بلے باز ویرات کوہلی نے ایک اور کارنامہ انجام دیتے ہوئے سابق لیجنڈری کرکٹر سچن ٹنڈولکر کا ورلڈ ریکارڈ توڑ دیا۔

ون ڈے کرکٹ میں سب سے زیادہ سنچریاں اسکور کرنے والے  کوہلی نے لسٹ اے کرکٹ ( ڈومیسٹک اور انٹرنیشنل ون ڈے) میں تیز ترین 16 ہزار رنز بنانے والے کھلاڑی کا اعزاز حاصل کر لیا۔

ویرات کوہلی نے یہ اعزاز وجے ہزارے ٹرافی میں دہلی کی نمائندگی کرتے ہوئے آندھرا پردیش کے خلاف میچ کے دوران حاصل کیا، جہاں انہوں نے شاندار 131 رنز بنائے۔

بھارت کے اسٹار بیٹر نے یہ سنگ میل اپنی 330 ویں لسٹ اے اننگز میں عبور کر لیا۔