تحریر : غلام اللہ کیانی

بھارت کی ہندوتوا حکومت اسرائیل کی طرز پر کشمیر میں مسلمانوں کے خلاف اقدامات کا سلسلہ شروع کر چکی ہے ۔جس طرح اسرائلی صیہونی حکومت نے فلسظینیوں کو بے دخل کیااور ان کی اکثریت کو اقلیت میں بدلا ، اسی طرز پرمودی حکومت کشمیر میں کام شروع کر چکی ہے ۔مقبوضہ جموں و کشمیر میں مسلمانوں کو اراضی کے نئے کالے قانون کے تحت زمینوں سے جبری بے دخلی مہم جاری ہے۔بھارتی مرکزی حکومت نے مقبوضہ جموں و کشمیرمیں کسی بھی ہندوستانی شہری کو زمین خریدنے کا اہل قرار دے رکھا ہے۔مقبوضہ خطے میںپہلے غیر رہائشی غیر منقولہ جائیداد کے مالک نہیں ہوسکتے تھے۔جموں و کشمیر ڈیولپمنٹ ایکٹ کے سیکشن 17 سے لفظ ’’ریاست کا مستقل رہائشی‘‘ کو حکومت نے ہٹا دیا ہے۔اس سے پہلے جموں و کشمیر کے صرف مستقل باشندوں کو ہی رہائش کی اجازت تھی۔ 2019 ء میں خصوصی حیثیت کے خاتمے کے بعد غیر رہائشی دوبارہ جموں اور کشمیر میں سرمایہ کاری کر سکتے ہیں۔جموں و کشمیر کو حاصل خصوصی حیثیت کے مطابق، ریاست کے ’’مستقل باشندوں‘‘ نے سابقہ ریاست میں زمین کے مالک ہونے کا حق سمیت کچھ حقوق محفوظ رکھے ہیں، اور ریاست سے باہر ہندوستانی شہریوں کو وہاں زمین خریدنے کی اجازت نہیں تھی۔ اراضی کے حقوق کو آرٹیکل 35A کے تحت تحفظ اور ضمانت دی گئی تھی۔ مندرجہ ذیل چار زمینی قوانین کے مطابق، ان مستقل باشندوں کو جموں و کشمیر میں درج ذیل زمینوں پر مکمل قبضہ حاصل تھا۔1938 ء جموں و کشمیر لینڈ ایلینیشن ایکٹ،بگ لینڈڈ اسٹیٹ ایکٹ 1950 کا خاتمہ،1960 کا ایکٹ جموں و کشمیر میں اراضی گرانٹ کی اجازت دیتا ہے۔جموں و کشمیر ایکٹ 1976 میں زرعی اصلاحات۔آرٹیکل 370 منسوخ ہونے کے بعد جموں و کشمیر میںاراضی قوانین تبدیل ہو گئے۔اب، تمام موجودہ قوانین مستقل رہائشیوں کو یہ خاص حیثیت نہیں دیتے ہیں۔ بگ لینڈڈ اسٹیٹس ابالیشن ایکٹ اور جموں و کشمیر ایلینیشن آف لینڈ ایکٹ دونوں کو منسوخ کر دیا گیا ہے۔ جموں اور کشمیر لینڈ گرانٹس ایکٹ اور جموں و کشمیر زرعی اصلاحات ایکٹ کے سیکشنز جو کہ لیز اور اراضی کی منتقلی کو کنٹرول کرتے ہیں، میں بھی ترمیم کی گئی ہے تاکہ’’مستقل رہائشی‘‘ کی ضرورت کو ختم کیا جا سکے۔جموں و کشمیر ڈیولپمنٹ ایکٹ 1970 کا استعمال مذکورہ بالا ایکٹ میں ترمیم کے لیے کیا گیا تھا۔ نئی قانون سازی کے مطابق قابض حکومت کی طرف سے اعلان کردہ ’’ترقیاتی زونز‘‘ کسی موجودہ زمینی قوانین کے تحت نہیں چلیں گے۔ کوئی بھی غیر کاشتکار جسے زمین دی گئی ہے وہ اسے مکمل طور پر غیر زرعی مقاصد کے لئے استعمال کر سکتا ہے اور اسے حاصل کرنے کے پانچ سال کے اندر صرف اس طرح کے مقاصد کے لیے زمین کا استعمال کرسکتا ہے۔زمین کی ملکیت کے قانون میں ناقابل قبول تبدیلیاں کی گئی ہیں یہاں تک کہ غیر زرعی اراضی خریدتے وقت ڈومیسائل کا ٹوکن ازم بھی ختم کر دیا گیا ہے۔غیر کشمیریوں کو انتخابات میں ووٹ ڈالنے کی اجازت دی گئی ہے۔مقبوضہ کشمیر کی ووٹر لسٹ میں 10لاکھ تک زیادہ تر ہندو ووٹرز کا اضافہ کر دیا گیا ہے۔ نئی انتخابی حدود قائم کی گئی ہیں۔ علاقائی اسمبلی میں مزید سات نشستوں کا اضافہ کیا گیا ہے۔اب بی جے پی 90 سیٹوں والی مقننہ میں سب سے بڑی پارٹی بن چکی ہے۔ نریندرمودی نے 1.4 ارب لوگوں کے ملک کے ہر کونے میں اپنے جن سنگھی ایجنڈے کو آگے بڑھانے کے لئے اقدامات جاری رکھے ہیں۔ متنازعہ علاقے میں بی جے پی جیت کر عالمی سطح پر اس علاقے پر ہندوستان کا دعویٰ مضبوط کرنا چاہتی ہے۔جموں اور کشمیر کے بہت سے مسلمانوں کے لیے، بی جے پی کی کئی دہائیوں کی خودمختاری اور استحقاق کو برقرار رکھنے والی پالیسیاں ایک خطرناک نئے مرحلے کی نمائندگی کرتی ہیں جسے وہ اقلیتی گروہوں پر ہندو اکثریت کے حقوق کے لیے ملک گیر دباؤ کے طور پر دیکھتے ہیں۔ بھارت اپنی پالیسیوں سے کشمیری مسلمانوں کو پسماندہ کرنے کی کوشش کر رہا ہے۔ہندوستان کشمیریوں کو حق رائے دہی سے محروم کر کے اپنے غیر قانونی قبضے کو برقرار رکھنے کی حکمت عملی پر عمل پیرا ہے جس کے ذریعے ہندوستان کے غیر قانونی طور پر مقبوضہ جموں و کشمیر کی آبادی کے ڈھانچے کو مسلم اکثریت سے ہندو اکثریتی علاقے میں تبدیل کر دیا گیا ہے۔2011 ء کی مردم شماری کے مطابق، جموں میں تقریباً 53لاکھ باشندے ہیں، جن میں سے 62 فیصد ہندو ہیں۔ وادی کشمیر میں 67لاکھ باشندے ہیں، جن میں سے 97 فیصد مسلمان ہیں۔1954ء سے، ہندوستانی خطے کو ہندوستان کے آئین کے تحت خصوصی حیثیت حاصل تھی۔2020ء سے، بی جے پی نے جموں و کشمیر میں ہر ایک کو ڈومیسائل سرٹیفکیٹ کے لئے درخواست دینے کی ہدایت کی جو انہیں مقامی انتخابات میں ووٹ دینے، زرعی زمین اور مستقل مکان خریدنے کے ساتھ ساتھ ریاستی یونیورسٹیوں اور ملازمتوں کے لیے درخواست دینے کی اجازت دیتا ہے۔جب تک خطے کی خصوصی حیثیت کو منسوخ نہیں کیا گیا تھا، مسلم رہنماؤں کے ساتھ سیکولر بائیں بازو کی جماعتیں مقامی اسمبلی کو کنٹرول کر تی تھیں اور جو بھی نئی دہلی سے ہندوستان پر حکومت کرتا تھا، اس نے خطے کی سیاسی خودمختاری میں کبھی ہاتھ نہیں ڈالا ۔ریاستی اسمبلی، جو ریاستی بجٹ، اخراجات، روزگار، تعلیم اور اقتصادی سرگرمیوں کو کنٹرول کرتی ہے، کو تحلیل کر دیا گیا اور ایک لیفٹیننٹ گورنر کو مقرر کیا گیا جو اس علاقے کو بلدیاتی انتخابات تک چلانے کے لیے مقرر کیا گیا ۔بی جے پی کے مقاصد سے ہوشیار رہتے ہوئے مسلمانوں کی اکثریت نے ڈومیسائل سرٹیفکیٹ کے لیے ابھی تک سائن اپ کرنا ہے، حالانکہ کچھ کا کہنا ہے کہ اگر ان کے انکار سے مسائل پیدا ہوتے ہیں تو انہیں کرنا پڑے گا۔دسمبر2022ء تک 60لاکھ سے زیادہ ڈومیسائل سرٹیفکیٹ جاری کئے جا چکے ہیں۔قابض حکومت نے یہ نہیں بتایا کہ جو لوگ اس اسکیم میں شامل نہیں ہوں گے ان کا کیا ہوگا، حالانکہ وہ اب بھی مستقل رہائشی کارڈ استعمال کرکے مقامی انتخابات میں ووٹ ڈال سکتے ہیں۔بھارتی حکومت کے تمام کالے قوانین جیسے ڈومیسائل اور حد بندی (حدود میں تبدیلی) کا صرف ایک مقصدہے کہ کس طرح مقبوضہ ریاست کے مسلم اکثریتی کردار کو بدل دیا جائے۔ بی جے پی مسلم اکثریتی وادی کشمیر کی طاقت کو کم کرنے کے لئے کام کر رہی ہے۔90 میں سے نو سیٹیں – چھ کشمیر میں اور تین جموں میں – اب پسماندہ کمیونٹیز کے لئے مخصوص کی گئی ہیںتا کہ وہ بی جے پی کی حمایت کریں۔پارٹی نے گھر گھر مہم بھی شروع کی جس میں سینکڑوں عہدیداروں کو شامل کیا گیا تاکہ ان لوگوں کی شناخت کی جاسکے جو ڈومیسائل سرٹیفکیٹس سے فائدہ اٹھائیں گے اور ممکنہ طور پر بی جے پی کو ووٹ دیں گے۔بھارتی حکومت اب ڈومیسائل سرٹیفکیٹس کا اجراء تیز رفتاری سے مکمل کرنا چاہتی ہے۔بی جے پی نے اسمبلی سیٹوں کی تقسیم کے ایک نئے طریقے کی بدولت اپنا ہاتھ مضبوط کیا ہے۔نئے ڈھانچے کے تحت، ہندو اکثریتی جموں کو مزید چھ نشستیں ملیں گی، جس سے اس کی نمائندگی 43 ہو جائے گی، جب کہ مسلم اکثریتی کشمیر میں ایک سے 47 نشستیں بڑھ جائیں گی۔بی جے پی نے پسماندہ گروہ اور ہندوؤں کے مغربی پاکستان یا آج کے بنگلہ دیش کے پناہ گزینوں کا گروپ جو تقسیم کے بعد جموں میں آباد ہوئے کوپہلی بار مکمل شہریت دی گئی ہے۔ بنگلہ دیش سے لاکر جموں میں بسائے گئے پناہ گزین کمیونٹی کی تعداد 650,000 سے زیادہ ہے۔یہ وہ لوگ تھے جو تقسیم ہند کے فارمولے کے تحت بھارت میں بسائے جانے تھے، مگر منصوبہ بندی سے انہیں متنازعہ جموں کشمیر میں غیر قانونی طور پر آباد کیا گیا۔ اب انہیں شہریت بھی دی گئی۔وہ اب ووٹ ڈالنے کے اہل ہیں اور تمام بنیادی حقوق سے لطف اندوز ہو رہے ہیں۔ ہندوستانی فوج خصوصی حیثیت کی منسوخی کے بعد متعارف کرائے گئے جموں اور کشمیر کے نئے ڈومیسائل قوانین کی ضروریات کو پورا کرتے ہوئے مرنے والے بھارتی فوجیوں کی خدمت کرنے والے، ریٹائرڈ اور بیواؤں اور والدین کے لئے جموں شہر میں ایک ہاؤسنگ کالونی تعمیر کر رہی ہے۔سرمائی دارالحکومت میں ہاؤسنگ کالونی کی تجویز آرمی ویلفیئر ہاؤسنگ آرگنائزیشن کی طرف سے پیش کی گئی جو رجسٹرڈ ٹرسٹ ہے ۔ خواہشمند قابض حاضر سروس یا ریٹائرڈ فوجیوں، ان کے اہل خانہ سے25,000 روپے کے ڈیمانڈ ڈرافٹ کے ساتھ اپنی درخواستیں جمع کرانے کو کہا گیا ہے۔درخواست دہندہ کو جموں و کشمیر کے UT کا ڈومیسائل ہونا چاہیے۔ وہ اہلکار جو جموں و کشمیر میں 15 سال کی مدت سے مقیم ہیں، وہ لوگ جنہوں نے UT میں سات سال کی مدت سے تعلیم حاصل کی ہے اور کسی بھی تعلیمی اداروں میں 10ویں/12ویں جماعت کے امتحان میں شرکت کی ہے اور وہ دفاعی اہلکار جنہوں نے مقبوضہ ریاست میں 15 سال اور اس سے زیادہ کے لئے خدمات انجام دی ہیں، درخواست دینے کے اہل قرار دیئے گئے ہیں۔بھارتی آئین کے آرٹیکل 370 اور آرٹیکل 35A کو منسوخ کرنے سے پہلے جموں و کشمیر میں صرف ریاستی لوگوں کو زمین خریدنے اور سرکاری ملازمتوں کے لیے درخواست دینے کی اجازت تھی۔ نیم خود مختار حیثیت کو منسوخ کرنے کے بعد، حکومت ہند نے جموں و کشمیر گرانٹ آف ڈومیسائل سرٹیفکیٹ (پروسیجر) رولز، 2020 ء اور مختلف زمروں کے غیر مقامی افراد بشمول سرکاری ملازمین کو اجازت دی کہ وہ ڈومیسائل سرٹیفکیٹ کے لئے رجسٹر کریں۔نئے ڈومیسائل قانون کے مطابق، غیر مستقل بھارتی باشندے جن کے پاس جموں و کشمیر میں کم از کم 15 سال کا رہائشی ثبوت ہے، وہ یونین ٹیریٹری میں ڈومیسائل سرٹیفکیٹ حاصل کرنے کے حقدار ہیں۔ 60لاکھ سے زائد غیر ریاستی لوگوں کو ڈومیسائل سرٹیفکیٹ دینے کے بعد مسلم اکثریتی ہمالیائی خطے میں آبادیاتی تبدیلیوں کے آغاز کا خدشہ پیدا ہو گیا ہے۔یہ سرٹیفکیٹ، ایک طرح کا شہریت کا حق، کسی شخص کو علاقے میں رہائش اور سرکاری ملازمتوں کا حق دیتا ہے، جو2019 ء تک صرف مقامی آبادی کے لیے مخصوص تھا۔ دہلی کی یکطرفہ کارروائی نے کشمیر کی تشدد زدہ تاریخ کا ایک اور وحشیانہ باب کھولاہے۔ بھارتی حکومت نے غیر قانونی طور پر ریاست جموں و کشمیر کا الحاق کر لیا، اسے تقسیم کر دیا اور اسے بھارتی یونین میں ضم کر دیا۔ یہ اقوام متحدہ کی سلامتی کونسل کی قراردادوں کی کھلی خلاف ورزی ہے۔ یو این کی کشمیر پر 11 قراردادیں ہیں۔ خاص طور پر، یہ یو این ایس سی کی قرارداد 38 کی خلاف ورزی ہے، جس کے پیرا 2 میں واضح طور پر کہا گیا ہے کہ تنازعہ کا کوئی بھی فریق کشمیر کی صورت حال میں مادی تبدیلی نہیں لا سکتا۔ بی جے پی حکومت نے کشمیریوں کو اقتدار ، حق رائے دہی سے محروم کرنے اور کشمیر کی مسلم شناخت کو تبدیل کرنے کے لئے – انتظامی، آبادیاتی اور انتخابی اقدامات کئے ہیں۔ متعدد اقدامات مقبوضہ فلسطین میں اسرائیلی آبادکاری کی پالیسیوں کو فروغ دیتے ہیں۔ مئی 2022ء میں، ہندوستان کے حد بندی کمیشن نے نئی انتخابی حلقہ بندیوں کے منصوبے کا اعلان کیاتھا، جس کا مقصد جموں کو زیادہ نمائندگی دینا تھا تاکہ جموں و کشمیر اسمبلی میں مسلمانوں کے سیاسی وزن کو کم کیا جا سکے اور توازن کو ہندوؤں کی طرف منتقل کیا جا سکے۔ مسلمان جموں و کشمیر کی آبادی کا 68 فیصد سے زیادہ ہیں۔ ہندو 28 فیصد کے قریب نمائندگی کرتے ہیں۔ بی جے پی حکومت حد بندی کے منصوبے کے ذریعے مسلم اکثریت کو اقلیت میں تبدیل کرنا چاہتی ہے۔ ’’غیر مقامی لوگوں کی شمولیت‘‘ ’’جموں و کشمیر کے لوگوں کو حق رائے دہی سے محروم کرنے کی ایک واضح چال‘‘ سمجھی جاتی ہے۔کشمیری ثقافت پر بھی بی جے پی حملے کر رہی ہے۔ 100 سال سے زیادہ عرصے تک، اردو جموں و کشمیر کی سرکاری زبان تھی۔اب اردو کی خصوصی حیثیت کو قانون سازی کے ذریعے ختم کر دیا گیا ہے ۔ جموں و کشمیر میں اردو اور انگریزی کے علاوہ ہندی، کشمیری اور ڈوگری کو سرکاری زبانیں بنا دیا گیا ہے۔ اب کشمیری زبان کے رسم الخط کو نستعلیق سے دیوناگری رسم الخط میں تبدیل کرنے کی کوششیں جاری ہیں۔بی جے پی حکومت جموں و کشمیر میں حتمی انتخابات کے لئے شدید جبر، آبادیاتی تبدیلیوں اور انتخابی نقشے کو تبدیل کرنا چاہتی ہے۔ اس کا مقصد اگست 2019 ء کی اپنی کارروائی کو مستحکم اور’’جائز‘‘ بنانا ہے اور دہلی کو یہ دعویٰ کرنے کے قابل بنانا ہے کہ جموں و کشمیر میں حالات کو’’معمول‘‘ بنا دیا گیا ہے۔ خطے کی نیم خود مختار حیثیت کو منسوخ کرنا،مقامی خصوصی شہریت کے قانون کو ختم کرنے جیسے اقدامات اسرائیل کے مقبوضہ مغربی کنارے کے متوازی ہیں۔غیر کشمیری باشندوں کو ڈومیسائل سرٹیفکیٹ فراہم کرنا اختتام کی شروعات ہے۔ یہ کشمیر کا ایک اور فلسطین بننے کا آغاز ہے۔ وہ وقت آچکا ہے کہ لوگ اپنے گھروں میں بھی خود کو محفوظ محسوس نہیں کرتے ہیں۔ ڈومیسائل قوانین میں غیر متعینہ تعداد میں بیرونی بھارتی افراد کو رہائش اور ملازمتوں کے اہل بنایا گیا۔نئے قانون کے مطابق کوئی بھی شخص جو خطے میں 15 سال سے رہا ہو، یا اس خطے میں سات سال سے تعلیم حاصل کر کے دسویں جماعت یا بارہویں جماعت کا امتحان پاس کیا ہو وہ ڈومیسائل سرٹیفکیٹ کا اہل ہے۔اس کے علاوہ، ہندوستانی سرکاری ملازمین کے بچے جنہوں نے ریاست میں 10 سال تک خدمات انجام دی ہیں، مقامی رہائشی حقوق کے حصول اور دعویٰ کرنے کے اہل ہیں۔یہ قانون تب بھی لاگو ہوتا ہے چاہے بچے کشمیر میں نہ رہے ہوں۔اس وقت خطے میں خدمات انجام دینے والے 66 اعلیٰ بیوروکریٹس میں سے 38 دیگر ہندوستانی ریاستوں سے تعلق رکھنے والے بیرونی ہیں۔ بہت سے دوسرے باہر کے لوگ بھارتی مرکزی حکومت کے مختلف اداروں جیسے بینکوں، ڈاکخانوں کی ٹیلی کمیونیکیشن سہولیات، سیکورٹی اداروں اور یونیورسٹیوں میں خدمات انجام دیتے ہیں۔ دنیا میں قوانین عوام کی فلاح و بہبود کے لئے بنتے ہیںوہیں مودی حکومت مسلمانوں کومعاشی طور پر مفلوک الحال بنانے، بے اختیار کرنے اور انتقامی سزا دینے کے لئے کالے قوانین بنا رہی ہے۔نئے اراضی قوانین کے تحت کشمیریوں کو جبری طورپر انکی زمینوں سے بے دخل کرنے کے اس جابرانہ قانون مسلمانوں کی توہین کی جا رہی ہے۔بندوق،فوجی طاقت، ریاستی دہشتگردی کے وحشیانہ استعمال اور مقبوضہ علاقے میں رائج کالے قوانین کے ذریعے کشمیریوں کی جدوجہد آزادی کوکچلنے میں ناکام ہونے کے بعدمقبوضہ علاقے میں کشمیریوںکو انکی زمینوں سے بے دخل کرنے کے لئے اراضی کا نیا قانون متعارف کرایا گیا ۔ تجاوزات کے نام پر کشمیریوں کو انکی اراضی سے بے دخل کرنا بی جے پی کا سیاہ کارنامہ ہے۔ وادی چناب اور پیر پنجال کے مسلمانوں کوانکی زمینوں اور دیگر جائیدادوں سے بے دخل کرنے کا مقصد کشمیریوں کو ہجرت کرنے پر مجبورکرنا ہے۔قابض حکام جموں میں انسداد تجاوزات مہم کے نام پر مسلمانوں کے گھروں کو مسمار کر رہے ہیں۔نام نہاد روشنی ایکٹ کے تحت مسلمانوں کے گھر گرائے جا رہے ہیںمگر بی جے پی اپنے رہنمائوںکے گھر نہیں گرا رہی ہے۔ بھارتی عدالتیں بھی قوم پرست بی جے پی کے مفاد میں فیصلے کر رہی ہیں۔محمد مقبوؒ ل بٹ کے بعد افضل گورو کو انصاف کے بجائے اکثریتی ہندو آبادی کی تسکین کے لئے یک طرفہ طور پر پھانسی دی گئی۔ دونوں شہیدوں کو بدنام زمانہ تیاڑ جیل میں ہی گڑھے کھود کر ڈال دیا گیا۔اب مقبوضہ کشمیر میں قابض فورسز انتقامی کارروائی کرتے ہوئے آزادی پسندوں کی ملکیت کی آڑ میں رہائشی گھروں کو بلڈوز کررہی ہے ۔ اب یہی واردات جموںخطے سمیت بھارتی ریاستوں میں بھی دوہرائی جا رہی ہے۔انسانی حقوق کے گروپوں کا اندازہ ہے کہ خطے میں ہر سترہ شہریوں کے لیے ایک مسلح شخص اور ہر مربع کلومیٹر زمین پر تقریباً سات مسلح اہلکار موجود ہیں۔ زمین کی ملکیت کے حقوق کا تحفظ کرتے ہوئے، آرٹیکل 35A نے بیرونی مداخلت کے خلاف کشمیر کے دفاع کی بنیادی لائن کے طور پر کام کیا۔ بھارت خطے کی نسلی اور مذہبی ساخت کو کمزور کرنے کے لئے غیر کشمیری آباد کاروں کو کشمیر میں داخل کرنے کا مقصد مقامی زمینوں پر قبضہ کرنا ہے بلکہ ان مقامی لوگوں کو ختم کرنا بھی ہے جو ان کی راہ میں حائل ہیں۔قانون اکثر آبادکاری کے نوآبادیاتی منصوبوں میں مقامی برادریوں کو مٹانے اور ان کے خاتمے میں سہولت فراہم کرنے میں ایک اہم کردار ادا کرتا ہے۔ آرٹیکل 370 اور 35A کی منسوخی کشمیر میں ہندوستان کے آبادی نوآبادیاتی منصوبے” کو تیز کررہی ہے۔: بھارت اب خطے کی مسلم اکثریتی آبادی کو کمزور کرنے کے لیے غیر کشمیریوں کو بھرتی کررہا ہے۔ آباد کار نوآبادیات کا بنیادی مقصد نوآبادیاتی علاقے پر مستقل طور پر قبضہ کرنا ہے۔آباد کار ریاستیں آباد کاروں کی کلاسوں کو بھرتی کرتی ہیں جو کسی اور کی سرزمین پر ایک نئی ریاست قائم کرنے کے لئے اپنے ساتھ ایک مطلوبہ خودمختار استحقاق لے کر آتی ہیں۔ خود مختاری کا وعدہ برٹش انڈیا کی تقسیم کے بعد کشمیریوں سے کیا گیا تھا۔کشمیر کے قانونی فریم ورک میں حالیہ تبدیلیاں برٹش انڈیا کی تقسیم میں خطے کی متنازعہ کہانی سے ملتی ہیں۔اگر چہ آرٹیکل 370 کا خود مختاری کا وعدہ پورا نہیں ہوا۔ تقسیم کے بعد کے سالوں میں، سینتالیس صدارتی احکامات نے ہندوستانی آئین کے 395 آرٹیکلز میں سے 260 کو کشمیر تک بڑھا دیا۔