نئی دہلی (نیوز ڈیسک ) بھارتی ریاست اتر پردیش کے شہر کانپور میں ایک شخص کو ایک نابالغ لڑکی کو کولڈ ڈرنک پلا کر حقہ بار میں ریپ کرنے کے الزام میں گرفتار کیا گیا ہے ۔ ڈاکٹر جوڑے کی 16 سالہ بیٹی سوشل میڈیا پلیٹ فارم انسٹاگرام کے ذریعے ملزم کے ساتھ رابطے میں آئی تھی۔ لڑکی کے والد نے ملزم ونے ٹھاکر جو کانپور کا رہنے والا ہے اور سات دیگر افراد کے خلاف مقدمہ درج کرایا ہے۔ والد کی شکایت کے مطابق ونے ٹھاکر نے لڑکی کو 4 مارچ کو کراہی کے ایم جی کیفے میں بلایا، جہاں انہوں نے حقہ پیا۔ ونے نے لڑکی کے مشروب میں کچھ سکون آور چیز ڈالی اور کیفے میں اس کی عصمت دری کی۔ اس کے بعد وہ لڑکی کو ایک سنسان جگہ لے گیا جہاں اس کے سات دوست اس کے ساتھ شامل ہوئے، اور انہوں نے لڑکی کے ساتھ اجتماعی عصمت دری کرنے کی کوشش کی۔لڑکی نے حملہ کے خلاف مزاحمت کی، جس کے دوران ملزم نے اس کے پورے جسم پر کاٹ لیا۔ لڑکی کے گھر پہنچ کر اپنے ساتھ پیش آنے والا واقعہ بیان کرنے میں کامیاب ہونے کے بعد والد شکایت درج کرانے تھانے پہنچ گئے۔ پولیس اب اس معاملے کی تحقیقات کر رہی ہے۔