اسلام آباد (نیوز ڈیسک )پاک فوج نے مسلح افواج کی روایتی پریڈ محدود پیمانے پر کروانے کا فیصلہ کیا ہے۔ ذرائع کے مطابق پاک فوج کفایت شعاری پالیسی کو اپناتے ہوئے عوام کے شانہ بشانہ کھڑی ہے اور اخراجات بچانے کے لئے 23 مارچ کو مسلح افواج کی روایتی پریڈ کو محدود پیمانے پر کروانے کا فیصلہ کیا گیا ہے۔ 23 مارچ کی پریڈ روایتی انداز میں شکرپڑیاں کی بجائے ایوان صدر میں منعقد ہوگی۔ پاک فوج کی جانب سے بچت کے لئے محدود پریڈ کرانے کا فیصلہ کیا گیا کیونکہ روایتی پریڈ پر بڑے پیمانے پر اخراجات ہوتے تھے۔ پاک فوج ملک کے مشکل وقت میں پوری قوم کے ساتھ کھڑی ہے، ملک کی ترقی میں پاک فوج اپنا کردار ادا کرتی رہے گی۔
