نئی دلی (نیوز ڈیسک ) بھارت میں انتہا پسندہندؤں نے ہولی کا تہوار مسلمان خواتین کیلئے ایک بھیانک خواب بنا دیا ہے۔ ہولی کے دن بھارت کے مختلف شہروں میں ہندو انتہاپسندوں کی طرف سے مسلمان خواتین کو حراساں کرنے کی ویڈیوز سوشل میڈیا پر وائرل ہو گئی ہیں۔
سوشل میڈیا پر وائرل ویڈیوز میں دیکھا جا سکتا ہے کہ ہندو انتہاپسندوں کا ہجوم راہ چلتی برقعہ پوش خواتین پر زبردستی رنگ پھینک کر انہیں تنگ کرنے کی کوشش کر رہا ہے۔ایک رکشے میں بیٹھی ہوئی خواتین کو پہلے حراساں کیا گیا بعد ازاں ان پر زبردستی رنگ ڈال دیا گیا۔
ایک ویڈیو میں ہندو انتہا پسندوں کوپولیس کی موجودگی میں اپنے گھر کی بالکنی میں موجود دو مسلمان خواتین پر پتھراو¿ کر تے دیکھا جاسکتا ہے۔وہاں موجود پولیس اہلکار انتہاپسندوں کو روکنے اور مسلمان خواتین کو تحفظ فراہم کرنے کے بجائے خاموش تماشائی بنے کھڑے ہوئے ہیں۔