ممبئی(نیوز ڈیسک )بھارتی ریاست مہاراشٹر کے 36اضلاع میں گزشتہ سال نومبر سے اب تک کم سے کم50 مسلم مخالف ریلیاں نکالی جا چکی ہیں۔
انڈین ایکسپریس نے کہاہے کہ دائیں بازو کی ہندوتوا تنظیم ‘ہندو جان آکروش مورچہ’ نے ممبئی شہر کے وسط میں مسلم مخالف ریلیاں نکالیں جن میں زعفرانی جھنڈے اٹھائے اور ٹوپیاں پہنے ہندوئوں کی بڑی تعداد نے شرکت کی ۔ انڈین ایکسپریس کی رپورٹ کے مطابق ریلی کے مقررین نے بھارت میں اقلیتوں پر حملہ کیا اور مسلمانوںکے معاشی بائیکاٹ کا مطالبہ کیا۔رپورٹ کے مطابق اگرچہ بھارت کی حمایت جماعت بی جے پی ان ریلیوں سے خود کو دور کرتی ہے، تاہم ان ریلیوں میں پارٹی کے دیگرلیڈر بشمول مقامی بی جے پی ایم ایل اے اور ایم پی ان میں موجود تھے ۔ ان ریلیوں میں بی جے پی کے معطل رہنما اور تلنگانہ کے ایم ایل اے ٹی راجہ سنگھ، کالی چرن مہاراج اور کاجل ہندوستانی کی طرف سے تقاریر کی جاتی ہیں ۔ ان میں سے کم سے کم دو بی جے پی لیڈروں پر نفرت انگیز تقاریر کے مقدمات درج ہیں ۔ 12مارچ کو ممبئی کی میرا روڈ پر ایک ایسی ہی مسلم مخالف ریلی نکالی گئی جس میں بعض ہندوتوا مقررین نے مسلمانوں کے معاشی بائیکاٹ پر زور دیا۔اگرچہ مہاراشٹرا پولیس کے افسر اس موقع پر موجود تھے تاہم ان میں سے کسی نے بھی اس پر دھیان نہیں دیا اور نہ ہی کسی کی طرف سے مقدمہ درج کرایاگیا۔