نئی دہلی(نیوز ڈیسک ) ایڈیٹرس گلڈ آف انڈیا نے صحافیوں کے خلاف یو اے پی اے قانون کے استعمال پر چہارشنبہ کو تشویش ظاہر کی اور نظم وضبط سے کہا کہ وہ جمہوری اقدار کا احترام کرے اور قومی سلامتی کے نام پر صحافیوں کی ہراسانی روکے۔ ایڈیٹرس گلڈ آف انڈیا کو بڑی تشویش ہے کہ صحافیوں کے خلاف یو اے پی اے کا بہت زیادہ استعمال ہورہا ہے۔ حال میں این آئی اے کے ہاتھوں گرفتار کشمیری صحافی عرفان معراج پر بھی یو اے پی اے لگادیا گیا۔ اطلاعات کے بموجب 20 مارچ کی دوپہر عرفان کو ایک تحقیقاتی عہدیدار نے موبائل پر فون کرکے چند منٹ کے لئے سری نگر میں این آئی اے کے مقامی دفتر آنے کو کہا۔ اس کے بعد عرفان معراج کو گرفتار کرکے دہلی منتقل کردیا گیا۔