ریاض (نیوز ڈیسک ) سعودی عرب میں کشمیر اوورسیز فورم کااجلاس ہوا جس میں عزم کیاگیا کہ مسئلہ کشمیر کو اجاگر کرنے کی جدوجہدجاری رہے گی۔
دارالحکومت ریاض میں جمعیت علمائے اسلام ف آزاد کشمیر کے مرکزی جنرل سیکرٹری مولانا امتیاز عباسی نے اجلاس کی صدارت کرتے ہوئے کہا کہ پاکستان اورکشمیر آپس میں لازم ملزوم ہیں دونوں کو کبھی بھی الگ نہیں کیا جاسکتا،بھارت مقبوضہ کشمیر میں جو گھناؤنی سازش کر رہا ہے اس میں کبھی کامیاب نہیں ہوگا.
اجلاس میں افتخار شاکر، ذاکر جذبی، افتخارعباسی، محمدرشید، سردار عاصم آفتاب ،انجنئیرشفیق اور دیگر نے اظہار خیال کرتے ہوئے کہا کہ مسئلہ کشمیر کو اقوام متحدہ اور دیگر فورمز پر اجاگر کیا جائے اور اوورسیز میں مقیم پاکستانی اور کشمیری ملکر مقبوضہ کشمیر میں ہونے والے مظالم کو اجاگر کرکے بھارت کا مکروہ چہرہ بے نقاب کریں.
