ممبئی (نیوز ڈیسک ) بھارتی فضائیہ میں حادثات معمول بن گئے، گزشتہ 30 سالوں میں 534 جہاز فضائی حادثوں کا شکار ہوئے۔ گزشتہ 30 سالوں میں ہونے والے حادثات میں 152 بھارتی پائلٹ ہلاک ہوئے جبکہ گزشتہ 5سالوں میں 45 فضائی حادثات میں 42 بھارتی فوجی مارے گئے۔ مارچ 2017 سے اب تک 18 ہیلی کاپٹر گر کر تباہ ہوچکے ہیں، زیادہ تر حادثات پائلٹ کی غفلت اور ناکافی تربیت کے باعث پیش آئے۔ بھارتی فضائیہ میں مگ 21 طیارے اڑتا کفن کے نام سے جانا جاتا ہے۔ بھارتی وزیردفاع اے کے انٹونی کے مطابق مگ 21 بیڑے کے نصف سے زائد جہاز حادثات میں کھو چکے، 872 جہازوں کے بیڑے میں سے 482 حادثات کا شکار ہوئے۔ بھارتی وزیردفاع نے بتایا کہ صرف 2021 میں 5 مگ 21 طیارے حادثے کا شکارہوئے۔