سرینگر18 اپریل (نیو زڈیسک )غیر قانونی طور پر بھارت کے زیر قبضہ جموں و کشمیر میں پابندیوں، وقفے وقفے سے بارش اور سرد موسم کے باوجود شب قدر انتہائی عقیدت و احترام سے منائی گئی اور ہزاروں عقیدت مندوں نے اپنے گھروں، مساجد اور درگاہوں پر رات بھرعبادت کی ۔
سرینگر کی تاریخی جامع مسجد کے گرد سخت پابندیوں نافذ تھی اور عبادت گذاروں کو جامع تلاشیوں اور موبائل فونز جمع کرا کے جامع مسجد میں عبادت کیلئے جانے کی اجازت دی گئی۔مضافاتی علاقوں کی مساجد اوردرگاہوںمیں بھی شب قدر کے روح پرور اجتماعات منعقد ہوئے ۔ سرینگر کی تاریخی جامع مسجد اور اس کے گرد غیر معمولی پابندیاں مسلسل جاری رہیں ۔ پولیس اہلکاروں اورپیراملٹری فورسز کے اہلکاروں کی بڑی تعداد کو مسجد کے باہر تعینات کیاگیا تھا۔قابض حکام نے جامع مسجد میں جمعة الوداع کی نماز کی ادائیگی کی اجازت نہیں دی تھی۔شب قدر کو مسلمان رمضان المبارک کی مقدس ترین رات سمجھتے ہیں۔لیلة القدر یا شب قدر جس کے بارے میں قرآن کریم میں سورہ قدر کے نام سے ایک سورت بھی نازل ہوئی ہے ، اس رات میں عبادت کرنے کی بہت فضیلت اور تاکید کی گئی ہے ، قرآن مجید میں اس رات کی عبادت کو ہزار مہینوں سے بہتر قرار دیا گیا ۔