مظفر آباد (نیو زڈیسک ) چوہدری انوار الحق آزاد کشمیرکے بلامقابلہ وزیراعظم منتخب ہوگئے، نومنتخب وزیراعظم آزادکشمیر نے کہا کہ وزیراعظم کاالیکشن آزادامیدوارکی حیثیت سے لڑا،اقتدار پی ڈی ایم تعاون سے ملا۔ تفصیلات کے مطابق چوہدری انوار الحق آزاد کشمیر کے بلامقابلہ وزیر اعظم منتخب ہوگئے،چیئرمین پیپلز پارٹی بلاول بھٹو نے چوہدری انوار الحق کو وزیر اعظم آزاد کشمیر منتخب ہونے پر مبارکباد دی ہے۔

مجھے پی ڈی ایم کے تعاون سے اقتدار ملا،آزاد کشمیر پی ٹی آئی سےآزاد ہو گیا

آزادکشمیراسمبلی کے اجلاس سے خطاب میں نومنتخب وزیراعظم آزادکشمیر انوارالحق نے کہا کہ عوام کی خدمت نہیں کرسکاتوعہدہ چھوڑنے میں تاخیر نہیں کروں گا، وزیراعظم کاالیکشن آزادامیدوارکی حیثیت سے لڑا، اقتدارپی ڈی ایم تعاون سے ملا۔
انوارالحق کا کہنا تھا کہ یہ آزادکشمیر کاایسا وزیراعظم ہوگا جسے عدالت نہیں نکالےگی، ہماری پارٹی اقتدارمیں آنے کے قابل ہو تی تومیں وزیراعظم نہ ہوتا، قانون کی حکمرانی قائم نہ ہوئی تواقتدار میں رہنےکاکوئی شوق نہیں۔

مجھے پی ڈی ایم کے تعاون سے اقتدار ملا،آزاد کشمیر پی ٹی آئی سےآزاد ہو گیا.. ویڈیو لنک 👈 https://t.co/hbND8ZgqvL#PMAJK pic.twitter.com/jb7fdIOl5p

— Pyara Kashmir (@PyaraKashmir) April 20, 2023

انھوں نے کہا کہ اس ایوان میں کون اپوزیشن کون حکومت میں ہوگا،یہ آنیوالاوقت بتائے گا، ہمیں اقتدار کی جادوگریوں میں پھنسا کر قومی غیرت کو کمپرومائز کیا گیا، آزاد امیدوارکےطور پرانتخاب لڑا ،آزادامیدوار نہ ہوتا تو اپوزیشن کیوں ووٹ دیتی۔
نومنتخب وزیراعظم آزادکشمیر کا مزید کہنا تھا کہ ریاست کا ہر معزز شہری احتساب کا مکمل اختیار رکھے گا،سب کا شکر گزار ہوں جنہوں نے خوش دلی سے ووٹ دیئے، جتنی بھی تنقید کی جائے لیکن ایوان کی شائستگی کو برقرار رکھنا چاہیئے۔

پی ٹی آئی کا صفایا ، آزاد کشمیر میں پی ڈی ایم کی حکومت قائم ، چوہدری انوار الحق آزاد حیثیت سے وزیر اعظم آزاد کشمیر منتخب … #ChAnwarulHaq #PMAJK #PDM #PTI pic.twitter.com/czkuLc1RG8

— Pyara Kashmir (@PyaraKashmir) April 20, 2023