احمد آباد20اپریل (نیوز ڈیسک )بھارتی ریاست گجرات میں ہندو انتہا پسندوں نے مساجد میں لاؤڈ سپیکروں کے استعمال پر پابندی کا مطالبہ کر دیا ہے۔ انہوںنے اس حوالے سے ریاستی ہائیکورٹ میں ایک عرضداشت دائر کردی ہے جس کی سماعت 19جون کو کی جائے گی۔
کشمیر میڈیاسروس کے مطابق یہ عرضداشت دھرمیندر پرجاپتی نامی ایک ڈاکٹر نے دائر کی ہے ۔ انہوں نے عرضداشت میں ہرزہ سرائی کرتے ہوئے کہا ہے کہ مسلمانوں مختلف اوقات میں نما ز کیلئے مساجد میں آتے ہیں اور لاؤڈ سپیکر کا استعمال کرتے ہیں جس کی وجہ سے قریب میں رہائش پذیر لوگوں کے بنیادی حقوق کی خلا ف ورزی ہوتی ہے ۔ عدالت نے ایڈوکیٹ جنرل کو ہدایت کی ہے کہ وہ اس حوالے سے 12جون تک حکومت کا جواب داخل کریں۔