ممبئی (نیو زڈیسک )بھارتی ریاست مہاشٹر کے شہر بیڈ میں پوسٹر چسپاں کے گئے جن میں تحریر ہے کہ عتیق احمد اور انکے بھائی اشرف نے شہادت کا مقام حاصل کر لیا ہے۔ سابق رکن بھارتی پارلیمنٹ عتیق احمد اور انکے بھائی اشرف کوہندو غنڈوں نے چند روز اس وقت گولیاں مار کر قتل کر دیا تھا جب انہیں جیل سے طبی معائنے کیلئے ہسپتال لے جایا جا رہا ہے۔ اس سے قبل پولیس نے عتیق احمد کے بیٹے اسد کو بھی اور ایک ساتھی کے ہمراہ ایک جعلی مقابلے میں قتل کر دیا تھا۔
کشمیر میڈیاسروس کے مطابق پوسٹروں کی وجہ سے انتظامیہ میں سخت ہلچل مچ گئی جبکہ ہندو توا تنظیم وشوا ہندو پریشد کی شکایت پر پولیس نے کارروائی کرتے ہوئے تین افراد کو گرفتار کر لیا ہے۔
انتظامیہ نے پوسٹر فوراً ہٹا دیے ۔ گرفتارکیے گئے تین افراد کےخلاف انڈین پینل کوڈکی دفعات153,294اور293کے تحت مقدمہ درج کر لیا ہے۔بتایا جاتا ہے کہ یہ پوسٹرمحسن بھیامترا منڈل نامی تنظیم کی طرف سے لگائے گئے تھے۔