جموں (نیوز ڈیسک)غیر قانونی طورپربھارت کے زیر قبضہ جموں و کشمیرمیں بھارتی قابض انتظامیہ مقبوضہ کشمیر کی صورتحال معمول پر آے کا دعویٰ کر رہی ہے تاہم حقیقت اس کے بالکل برعکس ہے اور آج ضلع پونچھ میں نامعلوم مسلح افراد کے حملے میں کم سے کم5بھارتی فوجی ہلاک اور ایک زخمی ہوگیا ہے ۔
بھارتی فوج نے سرینگر میںایک بیان میں کہا ہے کہ راجوری سیکٹر میں بھمبر گلی اور پونچھ کے درمیان سفر کرنے والے ایک فوجی ٹرک پر نامعلوم افراد کی فائرنگ سے بھارتی فوج کی راشٹریہ رائفلز کے5 اہلکارہلاک اور ایک شدید زخمی ہو گیا ہے ،جسے آرمی ہسپتال راجوری منتقل کردیاگیا ہے ۔ بیان میں مزید کہاگیا ہے کہ حملہ آوروں کی تلاش کیلئے کارروائی شروع کر دی گئی ہے ۔
واضح رہے کہ مقبوضہ کشمیرکے عوام بھارت کے غیر قانونی تسلط سے آزادی کی اپنی جدوجہد جاری رکھے ہوئے ہیں اور کشمیری بھارت سے اپنا ناقابل تنسیخ حق خودارادیت مانگ رہے ہیں ۔