امرتسر (نیوز ڈیسک )سکھ تنظیم ”دل خالصہ“ نے 11 مسلمانوں کے ہندو قاتلوں کی بریت پر مودی کی ہندو توا حکومت کو کڑی تنقید کا نشانہ بنایا ہے۔ تنظیم نے کہا کہ ہندو قاتلوں کی بریت اس بات کا ثبوت ہے کہ بھارت میں اقلیتوں کے جان و مال کی کوئی قدر و قیمت نہیں ۔
کشمیرمیڈیاسروس کے مطابق دل خالصہ کے رہنماو¿ں کنورپال سنگھ اور پرمجیت سنگھ منڈ نے امرتسر میں جاری ایک بیان میں کہا گجرات کی سابق وزیر مایا کوڈنانی اور دیگر کو نرودا گام قتل عام کیس میں بری کر دیا گیا جس میں11. مسلمانوں کو قتل کیا گیا ۔ انہوںنے برطانوی شہری کرندیپ کور کو امرتسر کے ہوائی اڈے پر ہراساں کیے جانے اوربرطانیہ کے سفر سے روکنے کی بھی مذمت کی۔
انہوں نے کہا کہ سکھ نوجوانوں کی گرفتاری ،سکھ خاندان کی خواتین کو ہراساں کرنا اور پنجاب میں سیکورٹی فورسز کی بھاری تعیناتی تشویشناک ہے
