ممبئی (نیو زڈیسک ) مودی کے ہندوستان میں انتہا پسند نظریات سے سکھ بھی تنگ ،بھارت میں آزاد خالصتان کے قیام کی تحریک زور پکڑ گئی۔ ہندوسکھ فسادات کا خطرہ،امرت پال سنگھ کی گرفتاری کےبعد حالات مزید کشیدہ ہوگئے۔رواں سال خالصتان کے حامیوں کے 23 ممالک میں 35 سے زائد مظاہرے کیے گئے۔کینیڈا،امریکا،برطانیہ اورآسٹریلیا سمیت کئی ممالک میں بھارتی سفارت خانوں کے سامنے احتجاج کیا گیا۔ 19 مارچ آسٹریلیا کے شہر برسبین میں ریفرنڈم،60ہزارسے زائد سکھوں کا خالصتان کا مطالبہ کیا۔مظاہروں کے دوران سکھوں نے انڈین ہائی کمیشن لندن پر خالصتان کا پرچم بھی لہرایا۔ امریکی عدالت بھارتی پنجاب کے گورنراوروزیراعلیٰ کو طلبی کے سمن جاری کر چکی ہے۔امریکی عدالت نے سکھوں کیخلاف بڑھتے ریاستی مظالم پر 27 مارچ کو سمن جاری کئے۔