سرینگر (نیوز ڈیسک ) غیر قانونی طور پر بھارت کے زیر قبضہ جموں و کشمیر میں ضلع بارہمولہ کے علاقے خواجہ باغ سے ایک 19سالہ نوجوان لاپتہ ہو گیا ہے۔
کشمیرمیڈیاسروس کے مطابق نوجوان جس کی شناخت امان ایاز خان کے نام سے ہوئی ہے ،کے اہل خانہ نے بتایا کہ امان ہفتے کی دوپہر کوگھر سے نکلا اور تب سے لاپتہ ہے۔امان کے رشتہ دار نے صحافیوں کو بتایا کہ اس کے بعد سے ہم اسے ڈھونڈنے کی کوشش کر رہے ہیں لیکن ابھی تک کوئی سراغ نہیں مل سکا۔ انہوں نے کہاکہ ہم عوام سے درخواست کرتے ہیں کہ وہ اس کا سراغ لگانے میں ہماری مدد کریں۔