ممبئی(نیوز ڈیسک ) بھارتی ریاست مہاراشٹر کے شہر لاتو میں ہندو تواغنڈوں نے مویشیوں کے ایک مسلمان تاجر کو شدید مارپیٹ کا نشانہ بنایا اور گائے کے سامنے جھکنے پر مجبور کیا۔
کشمیر میڈیا سروس کے مطابق واقعے کی ویڈیو سوشل میڈیا پر وائرل ہو گئی ہے جس میں ہندو غنڈوں کو مسلمان شخص کو مارپیٹ کا نشانہ بناتے ہوئے اور اسے گائے کے آگے جھکنے پر مجبور کرتے ہوئے دیکھا جا سکتا ہے۔ مسلمان تاجر جانوروں کی منڈی سے پندرہ کے قریب مویشی فروخت کیلئے ایک ٹرک میں لے جا رہا تھا ۔ اس کے پاس مویشیوں کی تجارت کے تمام قانونی کاغذات تھے لیکن منزل پر پہنچنے سے پہلے ہی گاؤ رکشاؤں(گائے کے نام نہاد ہندو محافظ) نے اسے روک لیا ۔ یہ واقعہ 23اپریل کو پیش آیا تھا ۔ واقعے کے وقت کچھ پولیس اہلکار بھی وہاںموجود تھے لیکن تماشا دیکھتے رہے۔
