اسلام آباد (نیوز ڈیسک ) کل جماعتی حریت کانفرنس آزاد جموں وکشمیر شاخ کے کنوینر محمود احمد ساغر نے امیر جماعت اسلامی پاکستان سراج الحق کے قافلے پر بلوچستان کے علاقے ژوپ میں خود کش حملے کی شدید مذمت کی ہے۔
کشمیر میڈیاسروس کے مطابق محمود احمد ساغر نے اسلام آباد میں جاری ایک بیان میں دھماکے میں زخمی ہونے والوں کی فوری صحتیابی کی دعا کرتے ہوئے کہا کہ یہ واقعہ انتہائی افسوسناک اورنہایت قابل مذمت ہے ۔ انہوںنے مملکت خداد پاکستان کی سلامتی ،استحکام و تحفظ کی دعا کی اور زخمی ہونے والے افراد اور انکے اہلخانہ کے ساتھ بھر پور اظہار یکجہتی کیا۔
یا د رہے کہ امیر جماعت اسلامی کے قافلے کے نزدیک اس وقت خود کش دھماکہ ہوا جب وہ ایک جلسے میں شرکت کے لیے جارہے تھے۔ تنظیم کے سیکرٹری جنرل امیر العظیم کے مطابق دھماکے میں سراج الحق محفوظ رہے تاہم تنظیم کے سات کارکن زخمی ہوئے ہیںجن میں چار کی حالت تشویشناک ہے۔
