سری نگر 20 مئی (نیوز ڈیسک )بھارت کے غیر قانونی زیر قبضہ جموں و کشمیر میں بدنام زمانہ بھارتی تحقیقاتی ادارے ’نیشنل انویسٹی گیشن ایجنسی“(این آئی اے) کی ایک عدالت نے غیر قانونی طور پر نظر بند کل جماعتی حریت کانفرنس کے سینئر رہنما مولوی بشیر احمد عرفانی پر ایک جھوٹے مقدمے میںفرد جرم عائد کر دی ہے۔
مولوی بشیر احمد کے خلاف این آئی اے عدالت سرینگر نے فرد جرم عائد کی۔ قبل ازیں نئی دہلی کے زیر کنٹرول سپیشل انویسٹی گیشن ایجنسی (ایس آئی اے ) نے 03 مئی کو عدالت میں مولوی بشیر احمد کے خلاف فرد جرم دائر کی تھی۔
یاد رہے کہ نریندر مودی کی زیر قیادت بھارتی حکومت حریت رہنماوں کو حق خودارادیت کی جدوجہد کی پاداش میں جھوٹے مقدمات میں پھنسا رہی ہے۔ تقریباً پوری حریت قیادت کو گرفتار کر کے مقبوضہ کشمیر اور بھارت کی مختلف جیلوں میں بند کر دیا گیا ہے۔