جموں 27 مئی (کے ایم ایس)بھارت کے غیر قانونی زیرقبضہ جموں و کشمیر کے ضلع کشتواڑ میں ایک رہائشی عمارت منہدم ہونے کے باعث بصارت سے محروم تین بھائی ہلاک ہو گئے ۔
ایک افسر نے بتایا کہ ضلع کے علاقے ناگسینی میں پلر کے مقام پر گزشتہ روز ایک مکان بارش کے باعث گر گیا جس کے نتیجے میں تین بھائی اٹھائیس سالہ ساجن کمار ،تیس سالہ راجیش کمار اور بتیس سالہ رویندر کمار کی موقع پر ہی موت ہوگئی۔ انہوں نے مزید کہا کہ مرنے والے بینائی سے محروم تھے۔ ان کی ماں اور بہن کو مقامی لوگوں نے بچا لیا۔