مظفر آباد (ویب ڈیسک) آزاد کشمیر کے سابق وزیراعظم سردار تنویر الیاس پاکستان تحریک انصاف سے نالاں ہیں، پہلے ان کی طرف سے الگ پارٹی بنائے جانے کی افواہیں سامنےآئیں تو اب دعویٰ کیا جارہا ہے کہ ان کی مسلم لیگ (ق) میں شمولیت کا امکان ہے۔ جیو نیوز کے ذرائع کے مطابق مسلم لیگ (ق) کے صدر چوہدری سرور سے سردار تنویر الیاس نے ملاقات کی ہے جس میں دونوں رہنماؤں نے مستقبل میں بات چیت جاری رکھنے پر اتفاق کیا ہے۔اس حوالے سے سردار تنویر الیاس نے کہا کہ آج چوہدری شجاعت سے ملاقات کریں گے۔انہوں نے کہا کہ دیکھ رہے ہیں اکٹھے چل کر کیسے قوم کے لیے بہتری لاسکتے ہیں، سیاسی عدم استحکام سے معیشت تباہ ہو گئی ہے۔ اس سے قبل عمران خان کی سابق اہلیہ اور صحافی ریحام خان نے کہا تھاکہ سردار تنویر الیاس اپنی الگ پارٹی بنانے کا فیصلہ کرچکے ہیں ، ان کے ساتھ تحریک انصاف کے کئی ناراض رہنما بھی رابطے میں ہیں ۔