سرینگر (نیوز ڈیسک )ضلع کولگام کے علاقے قاضی گنڈ میں مودی حکومت کا ایک سرکاری ملازم پراسرار طورپر مردہ پایا گیاہے۔
ایک سرکاری عہدیدار نے میڈیا کو بتایا ہے کہ مودی حکومت کے محکمہ حیوانات کا ایک ملازم قاضی گنڈ کے علاقے ناگراس میں مردہ حالت میں پایاگیا ہے جس کی شناخت محمد یونس خان کے طورپر ہوئی ہے۔ یونس کی لاش علاقے میں سڑک کے کنارے سے ملی ہے۔ انہوں نے بتایا کہ پولیس کی ٹیم نے لاش کو پوسٹ مارٹم کے لیے ہسپتال منتقل کردیاہے۔ ادھر بڈگام کے علاقے نار بل سے بھی ایک 13سالہ لڑ کے میر مزمل کی لاش پراسرار حالت میں ملی ہے جو چھٹی کلاس کا طالب علم تھا۔
