سرینگر (نیوز ڈیسک )بھارت کے غیر قانونی زیر قبضہ جموں و کشمیر میںبدنام زمانہ بھارتی تحقیقاتی ادارے نیشنل انویسٹی گیشن ایجنسی (این آئی اے) نے ممتاز کشمیری عالم دین اور مدرسہ دارالعلوم رحیمیہ کے ریکٹر مولانا رحمت اللہ قاسمی کو پوچھ گچھ کیلئے طلب کر لیا ہے۔
کشمیرمیڈیاسروس کے مطابق این آئی اے نے مولانا رحمت اللہ قاسمی کو آج سری نگر میں واقع اپنے کیمپ آفس میں پیش ہونے کو کہا ہے۔
انہیں راجوری میں الہدی ایجوکیشن ٹرسٹ (اے ایچ ای ٹی) کی مبینہ فنڈنگ سرگرمیوں سے متعلق ایک معاملے میں طلب کیا گیا ہے۔
یاد رہے کہ این آئی اے نے گزشتہ برس اکتوبر میں بانڈی پورہ میں مولانا قاسمی کے گھر پر چھاپہ مارا تھا۔ اس چھاپے سے قریباً ایک ہفتہ قبل انہوںنے مقبوضہ کشمیر کے اسکولوں میں طلباءکو ہندو بھجن گانے پر مجبور کرنے کے حکومتی حکم کے خلاف پریس کانفرنس کی تھی۔