ممبئی 15جون (نیوز ڈیسک )بھارتی ریاست مہاراشٹر میں راشٹریہ بجرنگ دل سے وابستہ ہندوتوا دہشت گردوں کے ایک گروپ نے ایک مسلم نوجوان کو وحشیانہ تشدد کا نشانہ بنا کر قتل کردیا ہے ۔
کشمیرمیڈیاسروس کے مطابق 23سالہ مسلم نوجوان لقمان انصاری کو مہاراشٹر کے ضلع ناسک میں ایک ہندوتوا گروپ نے وحشیانہ تشدد کا نشانہ بناکر قتل کردیا ۔انصاری کی لاش ضلع کے علاقے اگت پوری میں ایک گھاٹی میں ملی ہے۔حکام کے مطابق مسلم نوجوان کے ملوث تمام ملزمان کا تعلق راشٹریہ بجرنگ دل سے ہے۔پولیس کے مطابق لقمان انصاری اپنے دو ساتھیوں کے ساتھ ایک ٹرک پر مویشی لے کرجا رہا تھا جب انہیں سہاپور کے علاقے ویہی گائوں میں ہندوتوا دہشت گرد کے گروپ نے روک لیا۔گروپ نے ٹرک کو ایک ویران مقام پر روکا اور تینوں افراد پر حملہ کردہا۔انصاری کے ساتھی فرار ہونے میں کامیاب ہو گئے تاہم ہندوتوا غنڈوں نے اسے وحشیانہ تشدد کا نشانہ بنایا جس سے اس کی موت واقع ہو گئی ۔
