سرینگر 17جون(نیوز ڈیسک ) بھارت کے غیر قانونی زیر قبضہ جموں و کشمیرمیں سرینگر کی ایک عدالت نے کل جماعتی حریت کانفرنس کے رہنما عبدالرشید لون کے ایک جعلی مقدمے میں وارنٹ گرفتار ی جاری کر دیے ہیں۔
سرینگر کی فرسٹ مجسٹریٹ عدالت نے پولیس کو عبدالرشید لون کوپتھراؤکے ایک جعلی مقدمے میں گرفتار کر کے 19جون کو پیش کرنے کی ہدایت کی ہے ۔
عبدالرشید کو پہلے بھی کئی من گھڑت مقدمات میں پوچھ گچھ کیلئے طلب کیا جاتا رہا ۔ مودی حکومت نے مقبوضہ علاقے میں حریت رہنماؤں ، کارکنوں کو تحریک آزادی میں کردار پر سزا دینے کیلئے انہیں جعلی مقدمات میں گرفتار اور انکی املاک ضبط ومسمار کرنے کا سلسلہ تیز کر دیا ہے۔