سرینگر19جون (نیوز ڈیسک )بھارت کے غیر قانونی طور پرزیر قبضہ جموں و کشمیر میں ذی الحج کا چاند نظر آگیاہے اور مقبوضہ کشمیرمیں عید الاضحی 29 جون بروز جمعرات کو پاکستان کے ساتھ منائی جائے گی ۔ مقبوضہ کشمیر کے مفتی اعظم مفتی ناصر الاسلام نے سرینگر میں جاری ایک بیان میں کہا کہ ضلع رام بن کے علاقے بٹوٹ میں ذی الحج کا چاند نظر آگیا ہے اور عید الاضحی 29 جون بروز جمعرات کو ہو گی۔انہوں نے کہا کہ جو لوگ عید الاضحی پرقربانی کرنے کا ارادہ رکھتے ہیں، ان پر لازم ہے کہ وہ اپنے بال اور ناخن عید پر قربانی سے پہلے نہ کاٹیں۔