سرینگر (نیوز ڈیسک )بھارت کے غیر قانونی زیر قبضہ جموں و کشمیر میں بھی سخت گرمی پڑ رہی ہے ۔ سرینگر میں آج پارہ 35ڈگری سینٹی گریڈ تک پہنچ گیا اور آج کا دن گزشتہ دس برس میں شدید ترین گرمی کا دن تھا۔
سرینگر میں محکمہ موسمیات کے ایک افسر نے ذرائع ابلاغ کو بتایا کہ آج شہر میں زیادہ سے زیادہ درجہ حرارت 35.0 ڈگری سینٹی گریڈ تک پہنچ گیا اور یہ معمول سے 5.8 ڈگری سینٹی گریڈ زیادہ ہے۔ انہوں نے کہا کہ روز سرینگر میں 34.8 ڈگری سینٹی گریڈ ریکارڈ کیا گیا تھا۔ انہوںنے کہا کہ یہ گزشتہ دس برس میں پہلی بار ہے کہ سرینگر میں پارہ 35ڈگری سینٹی گریڈ تک پہنچ گیا ہے۔