ممبئی (نیوز ڈیسک )بھارتی کرکٹر وریندر سہواگ کو میڈ یا کی شہ سرخیوں میں جگہ بنانے کا بہت شوق ہے اور اپنے اس شوق کی خاطر وہ طرح طرح کے اوچھے بیانات دیتے رہتے ہیں ،وہ کبھی پاک بھارت ٹاکرے کولے کر باپ بیٹا کی بحث شروع کردیتے ہیں تو کبھی شعیب اختر پر انڈین میڈ یا سے پیسے لینے کے لیے بھارتی کرکٹروں کی تعریف کرنے کا الزام لگاتے نظر آتے ہیں ۔
اب انہوں نے سابق قومی کرکٹر شعیب اختر کو چیلنج دیتے ہوئے کہا کہ ہر کوئی جانتا ہے کہ تمام تر توجہ بھارت اور پاکستان کے میچ پر مرکوز ہونے والی ہے لیکن وہ اس دوران شعیب اختر کے ساتھ سوشل میڈیا پر لڑائی کیلئے تیار ہیں۔ ان کا مزید کہنا تھا کہ ریکارڈ کے مطابق ہندوستان پاکستان سے ورلڈکپ میں نہیں ہارا۔
وریندر سہواگ کا کہنا ہے کہ پاک بھارت ٹاکرے میں شائقین کے جذبات دیگر میچز کی نسبت زیادہ ہوتے ہیں۔ ورلڈ کپ کے شیڈول کے حوالے سے منعقدہ ایک تقریب میں ان کا کہنا تھا کہ یہ ایک ایسا مقابلہ ہے جو دنیا بھر کے کرکٹ شائقین کو اپنی گرفت میں لے لیتا ہے۔