جموں (نیوز ڈیسک )بھارت کے غیر قانونی زیر قبضہ جموں و کشمیر کے ضلع سانبا میں بھارتی پیرا ملٹری بارڈر سیکورٹی فورس (بی ایس ایف) کے ایک اہلکار نے خودکشی کرلی۔
کشمیر میڈیا سروس کے مطابق بی ایس ایف اہلکار نریش کمار نے ضلع کے علاقے چلیاری میں ایک چوکی پر خود کو گولی مار کر اپنی زندگی کا خاتمہ کر لیا۔
ایک سینئر پولیس افسر نے ذرائع ابلاغ کو بتایا کہ بی ایس ایف اہلکارکی لاش پوسٹ مارٹم کے لیے ہسپتال بھیج دی گئی ہے۔
اس واقعے سے جنوری 2007 سے اب تک مقبوضہ جموں و کشمیر میں خود کشی کرنے والے بھارتی فوجیوں ،پیراملٹری اور پولیس اہلکاروں کی تعداد بڑھ کر 572 ہو گئی ۔
