سرینگر07 جولائی (نیوز ڈیسک ) غیر قانونی طور پر بھارت کے زیر قبضہ جموں و کشمیر میں ضلع کشتواڑ کی انتظامیہ نے مزید دو مدارس کو بند کر کے انکی عمارتوں کوضبط کر لیا ہے ۔
کشمیرمیڈیا سروس کے مطابق ایک ماہ سے بھی کم عرصے میں قابض انتظامیہ کی طرف سے مقبوضہ علاقے میں ضبط کیاگیا یہ تیسرا مدرسہ ہے ۔ اس سے پہلے جموں کے علاقے بھٹنڈی میں ایک مدرسہ کو ضبط کرنے کے بعد بند کر دیا گیا تھا۔جموں و کشمیر کے محکمہ داخلہ کی ہدایات پر ڈویژنل کمشنر جموںرمیش کمار اور ڈپٹی کمشنر کشتواڑ ڈاکٹر دیونش یادیو نے کشتواڑ کے علاقے تاتانی سروور میں مدرسہ اشرف العلوم اور آر پی آئی اکیڈمی کی عمارت کو ضبط کر نے کے احکامات جاری کئے ۔یہ مدرسہ مولانا علی میاں ندوی ایجوکیشنل چیریٹی ایبل ٹرسٹ کے تحت بھٹنڈی میں چلا رہے تھے۔